Marie klar for handball-NM

Til dagleg er Marie Skurtveit Davidsen handballkeeper for Arna-Bjørnar. Denne helga er ho ei av dei heldige, og dyktige, som skal delta i NM

– For å koma med på regionlaget må ein trena mykje og vera god i det ein driv med, seier Marie til Strilen.

Til Hamar
Me var innom i Framo-hallen i Fyllingsdalen tysdag og såg henne i aksjon mot Fyllingen sitt lag i førstedivisjon. Jenta frå Rossland har trent handball i fem år og er no klar for å delta i NM på Hamar til helga.

Trening og venner
Sjølv om ho no er i full trening og trener fem gonger i veka, tek ho seg også tid til å vera med venner.

– Eg prøver å vera streng med meg sjølv og trena mykje, men eg prøver så godt eg kan å få tid til å vera litt med venner òg, seier ho.
 
Gler seg
Keeperen frå Arna-Bjørnar gler seg til å kunna spela  på regionlaget.

– Eg gler meg kjempemykje! Og eg trur me i alle fall skal klara å komma til semifinalen, seier ho.

– Draumen er sjølvsagt å verta proff handballspelar, og eg lovar at eg skal gjera mitt beste når me deltar i NM, seier Marie.

Grunnen til at ho har nådd så langt er nok all treninga ho har gjennomført, men ho set også far sin høgt.

– Han er ein av mine store inspirasjonar innanfor denne idretten, seier ho.

Far hennar har også vakta målet på handballbana.