Strilane slo frå seg

Over tre dagar konkurrerte gutar og jenter, i to klassar, 15-19 og 19-22, i ei rekkje øvingar, som kulestøt, diskos, spydkast, 200m, 200m hinder og 2000m hinder.Rundt 500 deltakarar var med, deriblant fleire deltakarar frå Nordhordland. Bertine-Helene Færø og Halfdan-Emil Færø konkurrerte begge i 2000m hinder, klasse junior 19, medan Sandra Sudmann konkurrerte innan diskos.  

Ny pers
Søskenparet Færø leverte gode prestasjonar, kanskje spesielt Bertine, som noterte seg med ny personleg rekord, og ein respektabel 4. plass. Noko løpstalentet var godt nøgd med, sjølv om det ikkje vart pallplasering.– Det var litt surt med fjerdeplassen, men det vart no ny pers.Innan øvinga var Ingeborg Løvnes frå Sportklubben Vidar suveren, med ei tid på 6.41. Deretter fulgte andre- og tredjeplassen med tidene 7.00 og 7.04, og knappe ti sekundar seinare Bertine med 7.14. Også broren til Bertine gjorde det bra, om enn ikkje så bra som han hadde håpa på. Tida 6.07 heldt til ein tredjeplass, fire tunge sekund bak andreplassen. Trass i tredjeplass var ikkje Halfdan begeistra over sin eigen prestasjon.– Eg er ikkje heilt nøgd. For ikkje lenge sidan sprang eg på 6.04, seier ein tydeleg sliten Halfdan. 

– Som forventa
Innan diskos måtte Sandra Sudmann ta til takke med ein fjerdeplass i klassen junior 22, etter eit kast på 33,88m. Dermed såg ho seg slått blant anna av Trude Raad, som slo til med  49,87m, noko som heldt til siger i øvinga. Sandra tok det heile med knusande ro. Ho forventa ikkje å kjempa om ein førsteplass.– Det gjekk som forventa eigentleg.  Det vart årsbeste, men eg har eigentleg ikkje trent så mykje diskos. Eg driv jo med handball og, seier Sudmann.