Tobias (12) vann bil

– Denne må me spara til eg vert 18 år, seier Tobias.
Søndag gjekk han naturløypa i Knarvikmila saman med familien sin. Det vart ein innbringande tur. I tillegg til minner frå ein flott dag i sola, kunne 12-åringen reisa heim med ny bil.

– Det var veldig overraskande. Då dei leste opp startnummeret, visste eg at det var ein av oss som hadde det nummeret, men me brukte litt tid på å finna ut kven det var, seier mamma Solgunn Tjore. Ho lova å hjelpa sonen med å ta godt vare på premien.
– Eg trur ikkje me har vunne nokon ting før, så det var moro med skikkeleg vinnarlukke i dag, seier ho.

Familien har to bilar frå før.
– Men det var likevel skikkeleg stas at Tobias vann ein slik premie, seier ho til Strilen.
Bilen, ein Citroën C1, er levert av Åsane Auto og var 1. premien under arrangementet. Bilen vart trekt på startnummer.
I Strilen tysdag kan du lesa meir om vinnarane og sjå mange flotte bilde frå Knarvikmila.