SISTE OPPDATERING, LAURDAG KLOKKA 1640:
Politiet avsluttar redningsaksjonen ved Nordhordlandsbrua.
– Det er ikkje blitt gjort noko funn, og ingen er melde sakna i området, fortel operasjonsleiar Per Algrøy til Strilen.
Trafikken stod nesten i ro i rundt Flatøy og Klauvaneset laurdag ettermiddag etter at naudetatane har hatt ein redningsaksjon i Salhusfjorden i nærleiken av Nordhordlandsbrua.
Strilen har snakka fleire som har observert politi, brannmannskap og ambulanse på veg mot brua.
– Luftambulanse, redningsskøyte, brannbåt og mannskap på land deltok i aksjonen, fortalde operasjonsleiaren.
– Kva har skjedd?
– Me fekk melding klokka 1445 om at nokon har observert tre ulike sko på brua. Då rykka alle naudetatar ut.
– Har det blitt gjort noko funn?
– Ikkje som me veit akkurat no. Me driv framleis på å søke i området, opplyste Algrøy rundt klokka 16 laurdag.
Klokka 1620 informerte 110-sentralen at dei sende dykkarar i sjøen.
Klokka 1610 flaut trafikken fint over Nordhordlandsbrua.