I februar vann Eikanger-Bjørsvik sin tredje NM-tittel på rad. Laurdag kunne dei sikra seg sin tredje strake siger i Siddis Brass. Det skjedde ikkje...

For i ein «rysare» av ein konkurranse i Stavanger konserthus vann erkerivalen Manger Musikklag Siddis med sine 106 (10+96) poeng. Eikanger-Bjørsvik fekk 105 (8+97), fattige eitt poeng bak.

Det siste «anger»-bandet, Stavanger Brass Band, enda med 104 (9+95) og tredjeplassen.

Manger Musikklag, leia av dirigent Martin Philip Winter, vann også underhaldningsprisen.

Bjørsvik Brass enda på tiande, og sisteplass, i elitedivisjonen.

100 poeng er maks ein kan få for det musikalske, medan inntil 10 poeng kan bli gitt for programmet. Dette spelte Manger Musikklag under Siddis:

• In time with Cubism My Mother is a Fish - Komponist: Martin Philip Winter
• Rag for Igor - Komponist: Martin Philip Winter Solist: Sigurd Olsen - xylofon
• Parades - Episodes from the Ballet - Komponist: Eric Satie Arrangør: Martin Philip Winter
• Tears - Komponist: Martin Philip Winter Solist: Joe Cook - Eb tuba
• Trumpets with Man - Komponist: Martin Winter Solist: Nick Walkley og William Grøv Skramsett - trompet

Dette spelte Eikanger-Bjørsvik under Siddis:

• The Four Elements - Fire, Air, Water and Earth Fireball - Komponist: Fredrick Schjelderup
• Window no.1 - Komponist: Svein Fjermestad
• Air : Wind - Komponist: Reid Gilje/Andy Sheppard Arrangør: Reid Gilje
• Water : The drop - Komponist: Frode Rydland
• Earthquake - Komponist: Kjetil Djønne