Ellevill stemning på Plumbo- og Gunslingers-konsert

Hordabøhallen var fullsett med vel 800 festglade menneske. Og dei fekk valuta for pengane sine.

Sebastian

Det var den lokale karen Sebastian som fekk æra av å starte «ballet», og fekk med eitt respons.

«Ein gong til» skreik publikum taktfast.

Tonen var sett. No var det klart for Plumbo.

Plumbo fortsette dansen, og rocka nesten taket av Hordabøhallen.

Publikum blei med på alle oppmodingane frå vokalist Lars Erik Blokkhus, og skapte magi saman.

Som om ikkje publikum hadde nok med eitt stort band, var det sjølve rosinen i pølsa til slutt; Gunslingers – headlineren i Hordabøhallen.

For det folkekjære bandet frå Hardanger har lagt sin elsk på Hordabøhallen, og tok meir enn gjerne turen att.

Vokalist og gitarist Frode Måkestad måtte faktisk be publikum om å roe seg ned, etter at det kom øl på scena.

Folket kosa seg heilt enormt! Ser du nokon du kjenner?