Torsdag var det MOT til å glede-dagen, og på Knarvik ungdomsskule delte dei ut gåvekort og Brann-billettar til elevane som spreier glede. MOT er ein organisasjon som er over heile Norge. Denne organisasjonen er til for å hjelpa barn og unge med å få ein betre skulegang og oppvekst, og Lindås kommune med sine skular er medlem.
På skulen er det ikkje berre lærarane som passar på at alle har det fint. Elevar på skulen er utvalde til å vera med i MOT, og passar på andre. Det var og dei som ordna arrangementet på torsdagm saman med miljøarbeidar Ketil Porsmyr.
Glede hos alle!
Arrangementet starta med allsong. Dette gav god stemning og sette eit smil på mange elevar.
Medan folk song og koste seg, vart det trekt ut nokre heldige elevar som vann alt frå billettar til Akvariet til siste kampen til Brann.
For å toppe det av, var det fire personar som song og spelte. Ein av dei var MGP-jr finalist Elida Hatlevik (15) med songen «Framtid». Og musikkinnslaga varierte frå karaoke til beatboxing.
Mot til å glede
MOT til å glede er ein av MOT sine levereglar.
MOT til å glede er at du skal glede andre. Få dei til å smila eller le. Dette kunne dei fem MOT-ungdommane veldig godt. Dei skrytte av andre, hjelpte andre og hadde det kjekt. Leiaren for MOT i Norge, Marte Wiwestad, var og tilstades og fortalte litt om MOT.