Redaktøren har ordet: Det er den tida av året igjen - og tradisjonen tru:
For 34. gang skal Sparebanken Vest og Strilen, i samarbeid med Nordhordland næringslag, dele ut heidersprisen «Årets bedrift i Nordhordland og Gulen»!
Grønt skifte. Industri. Tenesteytande sektor. Olje. Gass. Familieverksemder og konsern. Næringslivet i regionen vår er komplekst, og i stadig endring. Koronaen har dukka opp i bakspeilet, medan omsyn til natur og miljø i større og mindre grad set preget sitt på mest alt vi ser gjennom frontruta.
Men kven stikk seg ut, og fortener heider og ære?
Prisen for «Årets bedrift i Nordhordland og Gulen 2021» vert delt ut under arrangementet ««Nordhordland Awards» i Alver i januar 2022. Nærmare informasjon om arrangementet kjem seinare i år.
I juryen for Årets bedrift sit Baste Tveito (dagleg leiar i Nordhordland næringslag), Margunn Aas Minne (regiondirektør Hordaland, Sparebanken Vest) og Eirik Langeland Fjeld (ansvarleg redaktør, Strilen).
Juryen skal vurdere heilskapen i dei nominerte verksemdene, basert på desse kriteria:
Verksemda sin profil og omdøme, sal/marknadsføring, utvikling i økonomisk resultat, utvikling av produkt, kvalitetsstyring, HMS, skaping av nye arbeidsplassar, omstilling og nytenking, kompetanseutvikling og personal- og miljøtiltak.
Send kandidaten din til eirik.langeland.fjeld@strilen.no innan 1. november. Ta med ei kort grunngjeving.
Tidlegare vinnarar av «Årets bedrift» er:
2021: Romarheim AS
2019: PSW Group AS
2017: Skipavika Næringspark AS
2016: Norwegian Weather Protection AS
2015: Nesfossen Smolt AS
2014: Fours AS (Kolos)
2013: Mongstad tavleteknikk AS
2012: Johny Birkeland Transport AS
2011: Uni Micro AS
2010: TESS Vest AS
2009: Firda Sjøfarmer AS
2008: Hillesvåg Ullvarefabrikk AS
2007: Radøygruppen AS
2006: Mongstad Test og Inspeksjon AS (MTI)
2005: Statoil Mongstad
2004: Walde byggevare
2003: Mongstadbase AS
2002: Møbelutsalget Bjarne Foss AS
2001: FrekhaugVinduet AS
2000: Kvalfangarane på Fedje
1999: Mongstad Elekro AS
1998: Fedje Mekaniske Verksted AS
1997: Hydrobase Mongstad
1996: Wergeland Holding AS
1995: Frekhaug Stål AS
1994: Modelldata AS
1993: Radøy Mek. Verksted AS
1992: H. Gulbrandsøy AS
1991: Frank Mohn Flatøy AS
1990: Fjord Instruments AS
1989: Manger Fiskemat AS
1988: Georg Eknes Industrier AS
1987: Erstad Trevarefabrikk AS