Meiner prisen for å varsla har vore altfor høg

Varselet frå Paal Tonning (55) avdekte fleire kritikkverdige forhold i Meland kommune. – Eg kjem aldri til å varsla igjen, seier han til Strilen.

Publisert:

Paal Tonning (bilde) meiner han vart degradert etter at Meland kommune gjekk inn i Alver kommune. Foto: Erik Støverud/privat

Paal Tonning Foto: Foto: privat

  • Kaspar Knudsen

– Eg kjem aldri til å varsla om noko igjen. Konsekvensane er for store, seier Paal Tonning.

Tonning, som tidlegare denne veka fortalde historia si i avisa Nordhordland, blei i desember 2018 tilsett som leiar for teknisk drift og vedlikehald i Meland kommune.

Habilitets-kritikk

Tonning tok først kontakt med arbeidsgjevar. Då han følte det ikkje gav resultat, sende 55-åringen, med bakgrunn frå det private næringsliv, derfor i fjor vinter eit varsel til kontrollutvalet i Meland.

– Eg meinte det var mi plikt å varsla kontrollutvalet om det eg vart kjend med, seier Tonning.

Resultatet av varslet var at kontrollutvalet i Meland retta sterk kritikk mot kommunen.

Mellom anna vart det sett i gang undersøkingar rundt habiliten til Tonning sin sjef, dåverande sektorleiar for teknisk avdeling i Meland kommune, Anny Bastesen.

Strippa for leiar-ansvar

Bastesen hadde godkjent to rekningar på til saman over 200.000 kroner i eit prosjekt tilknytt eigedommen til søstera og svogeren hennar.

Då saka vart kjend, gjekk Bastesen ut å beklaga saka offentleg.

Tonning meiner at han vart degradert på grunn av varselet.

Då Meland gjekk inn i nye Alver kommune ved nyttår, mista Tonning alt leiaransvar og vart tildelt ei stilling som «fagarbeidar».

Les alt om temaet:

Les også

Reagerer på varslingssak: «Svært betenkeleg»

– Ikkje gjort noko gale

No har han, via advokaten sin, kravd ei forklaring frå Alver kommune.

– Eg meiner at eg har blitt nedgradert som ein konsekvens av handlingane mine, men eg har ikkje gjort noko anna enn å stilla spørsmål, seier Tonning.

Han legg ikkje skjul på at heile saka har vore ei stor påkjenning.

– Leiinga er taus

– Frå leiinga si side, både i Meland kommune og no nye Alver kommune, har det vore stille heile vegen. No vil eg berre bli ferdig med saka.

– Forventar du å få leiarstillinga tilbake?

– Eg meiner eg har rett på det, men eg trur dessverre ikkje det blir noko forandring.

  • Veit du noko om saka eller har tips til redaksjonen? Kontakt oss på avisa@strilen.no.

Rådmann i Alver kommune, Ørjan Raknes Forthun. Foto: Lise Viken (arkiv)

Rådmannen: – Gode prosessar

Rådmann i Alver kommune, Ørjan Raknes Forthun, meiner at kommunen ikkje har gjort noko gale i saka.

– Eg meiner at alle tilsette har vore gjennom ein lik prosess. Prosessen med å tildela roller i den nye Alver-organisasjonen har vore solid, seier Raknes Forthun.

– Paal Tonning gjekk frå ei leiarstilling i gamle Meland kommune til stilling som fagarbeidar?

– På generelt grunnlag har vi hatt gode prosessar i forhold til innplassering av alle leiane i dei gamle kommunane.

– Så du meiner ikkje at han har vorte nedgradert?

– Me registrerer at han meiner det. Så har me fått eit brev frå advokaten hans der dei ber om eit svar på korleis prosessen med innplassering i Alver kommune har vore. Me har fått ein frist til å svara på brevet og det skal me gjera.

Publisert:

Mest lest akkurat nå

  1. Få søkarar til jobb som undervisnings­inspektør

  2. Elias (14) hadde englevakt etter badeulykke

  3. Mann ville ikkje til Knarvik – slo bussjåfør tre gonger

  4. Dette blei prisen for Fensfjordbygget

  5. Melder kommunen til politiet

  6. Tilsettinga av ny næringssjef stranda på oppløpssida

  1. Habilitetsaka i Meland
  2. Meland
  3. Utbygging
  4. Nordhordland
  5. Alver