Overvelda ordførar «dagen derpå»: – No startar ein stor jobb, og eg er klar

– Eg vil først og fremst takke alle innbyggjarar som har stemt på Høgre og meg. Eg er utruleg audmjuk. Det har ikkje gått opp for meg endå. Det tikkar inn meldingar og gratulasjonar her, seier Ingrid Duesund Fjeldsbø (H) til Strilen dagen derpå.

Den nye ordføraren har all grunn til å vere fornøgd. Med 20,3 % av stemmene og åtte representantar i kommunestyret, er dei Alver sitt største parti.