Naudetatene rykte tysdag kveld ut etter melding om brann i eit industribygg.

– Vi fekk melding klokka 21.01 om brann på eit målingslager ved Framo Flatøy, seier ein ordknapp vaktkommandør ved 110-sentralen, Helge Lund, til Strilen.

Både brannvern frå Knarvik og Åsane kom tidleg til staden.

Røykdykkarar var i aksjon. Det var ikkje meldt om opne flammar.

Utrykningsleiar i Lindås brannvern melde like etter klokka 22 at dei hadde kontroll på situasjonen.

Det var full utrykking tysdag kveld. Foto: Innsendt