Etter den tunge starten for både journalistar, som blei låst på gangen, og tematikken politikarane diskuterte, var det klart for resten av møtet.

Som vanleg blei det sagt litt av kvart, om både kalving, tidtaking og erstatning.

  • Under kan du sjå alle gullkorna:

Ståle Hauge var frisk frå talarstolen. Foto: Henrik Hauken

«Eg hadde klokke»

Ståle Hauge (Ap) når ordførar Sara Hamre Sekkingstad formidlar at han var ferdig – akkurat på sekundet.

Leif Johnsen (MDG) er ein gjengangar i denne spalta, og også i dag fekk han salen til å le ved fleire høve. Foto: Henrik Hauken

«Takk ordførar!»

Leif Johnsen (MDG) skrik ut i salen, etter diskusjon om korleis mikrofonen skulle brukast.

Før også «Bestefar Leif» fekk lyd i den moderne teknologien.

Ståle Hauge (Ap) let seg ikkje be to gongar når han kan kome på talarstolen. Foto: Henrik Hauken

«Mykje enklare med rosa lappar»

Ståle Hauge synest det var mykje enklare tidlegare, då dei brukte manuelle system med rosa lappar.

Ordførar Sara Hamre Sekkingstad gløymde nesten pausen. Foto: Henrik Hauken

«Nei, no er det pause»

Ordførar Sara Hamre Sekkingstad lova pause, men hoppe over den.

Då fekk salen nesten panikk, før Sekkingstad retta seg sjølv.

Ståle Hauge meiner vi ikkje må gløyme arvesølvet vårt. Foto: Henrik Hauken

«Er ikkje grøn energi Europa spør etter»

Ståle Hauge var svært entusiastisk og meinte at det står andre land klare til å ta over, dersom Noreg ikkje tar vare på sin olje- og gass, og ligg til rette for næringa også i framtida.

Morten Klementsen gir blanke i både Oslo og Bergen. Det er ein annan plass han meiner er hovudstad. Foto: Henrik Hauken

«Det er hovudstaden vår»

Morten Klementsen har stor kjærleik for Mongstad og seier at plassen er meir kjend i utlandet enn Bergen.

Han retta det til «industrihovudstaden» i svarinnlegget sitt etterpå.

Laila Bjørge (t.v.) måtte springe. Foto: Henrik Hauken

«Har bede om permisjon på grunn av kalving»

Sara Hamre Sekkingstad fekk nok den høgaste latteren, då ho opplyste om at Laila Bjørge måtte heim på grunn av kalving.

Herleg strilekultur der altså, og meir enn gyldig fråvær.

Lykke til, Laila!

Kenneth Murberg (H) var munnrapp då Sekkingstad hoppa over replikken hans. Foto: Henrik Hauken

«Rett før du drog på deg rettferdsvederlag»

Det sa Kenneth Murberg i Høgre, etter ordførar gjekk på talarlista og ikkje dei som hadde replikk i saka om lærarane har krav på erstatning etter «lærarsakene»

Seinare, i ei anna sak, takka Murberg for at han hadde blitt oppgradert til «innlegg», og ikkje «replikk» denne gong.

Nina Bognøy (Ap) ville ha alt på det reine, sjølv om det tok ekstra tid. Foto: Henrik Hauken

«Ikkje meininga å lage noko støy her»

Nina Bognøy, etter å ha spurt om klargjering på eitt av forslaga, på slutten av ein lang diskusjon om mogeleg erstatning til lærarane i lærarsakene.

Like før sa Sekkingstad at dei no snart måtte bestille mat, for dei er langt bak skjema med tanke på dei andre sakene på lista.

Foto: Henrik Hauken

«Det må ein ordførar til»

Kom det frå Leif Johnsen (MDG) etter at det var litt problem med å stemme i det digitale systemet.

Morten Klementsen (U) synest like før klokka 17 at det var på tide med ein matbit. Foto: Henrik Hauken

«Behov for pizza»

Var svaret frå Morten Klementsen litt før klokka 17, då ordførar Sara Hamre Sekkingstad spurde om det var behov for pause.

17.15 var det pizzalukt i heile 6. etasje på Helsehuset.

Kenneth Murberg med reinspikka standup på talarstolen. Foto: Henrik Hauken

«Er snart klar for Knarvikmila»

Kenneth Murberg (H) var i det lystige laget då han nok ein gong sprang på talarstolen i saka om detaljreguleringsplan for Ytre Eidsnes.

«Er det nokon plassar det er støy, lukt osv. er det ein by», følgde han opp med, i det som kan beskrivast som eitt av dei meir humoristiske innlegga.

Som om ikkje det var nok, følgde han opp med denne godbiten i eit svarinnlegg:

«Heldigvis har eg dusja i dag, for det skulle tatt seg ut om bonden ikkje ville leve med meg».

Nils Marton Aadland tok talarstolen etter Øyvind Oddekalv. Foto: Henrik Hauken

«Eg òg hadde kontor ved sidan av»

Nils Marton Aadland (H) minte om at han også har vore ordførar, etter at tidlegare Meland-ordførar Øyvind Oddekalv (Ap) sa at han hadde fått klage sidan han hadde kontor i nærleiken av tomta ved sidan av grunneigar i saka om Fløksand – Vikebø.

Det er ikkje lett å gjere alle til lags. Foto: Henrik Hauken

«Om vi skulle snu, kjem det ny klagerunde»

Asle Hetlebakke (KrF) i klagesaka om Fløksand – Vikebø, der han peiker på at om kommunestyret snur, og vel den andre traseen, så vil endå fleire klage.

«Dammed if you do, dammed if you don't» der altså.

Og Hetlebakke var ikkje ferdig. På tampen av kommunestyret, i ein lang diskusjon rundt interpellasjon, kom det;

«Når eg er usikker, går eg til skriften».

Var dette kjekt, eller berre tull?