Ei kvinne og ein mann er køyrd til sjukehus med ambulanse etter ei MC-ulukke på Rosslandsvegen på Frekhaug laurdag kveld.
Det var ingen andre køyretøy involvert i ulukka.
Ifølgje politiet var begge to bevisste då naudetatane kom til staden, men skadeomfanget er ukjent.
– Ein av dei klagar på smerte i brystet, fortel operasjonsleiar Morten Rebnord i Vest politidistrikt.
Ulukka skjedde like før klokka 20.00.
Årsaka til ulukka er foreløpig ikkje kjend, men det er ikkje mistanke om rus.
Politiet har oppretta ei sak på hendinga.