Vest politidistrikt melde om ei trafikkulykke på Eivindvikvegen i Gulen like før klokka 1630 fredag ettermiddag.
Ulykka skal ha skjedd like ved Merkesvika i Eivindvik, ifølgje politiet.
Føraren skal ha vore åleine i bilen, og det var kun den eine bilen som var involvert i ulykka, informerer operasjonsleiaren i Vest politidistrikt.
– Føraren skal ha treft ein fortauskant og trilla rundt, seier operasjonsleiar Knut Dahl-Michelsen til Strilen.
Bilen skal ha gått rundt og airbagen skal ha blitt utløyst. Føraren har klaga på smerter etter ulykka, men er vaken.
– Har de mistanke om at føraren var påverka av rusmiddel?
– Me har ingen grunn til å mistenke det no, opplyser han.