Tjuvane klippa seg gjennom gjerdet på det lukka området på Galteråsen natt til søndag.
Dei fekk med seg to påhengsmotorar, frå båtar som skulle overvintre der.
– Det dreier seg om to Honda-motorar, ein 50- og ein 60-hestars påhengsmotor, seier Kjell-Idar Vangberg til Strilen.
Sjå samanhengar
Politiet etterforskar no saka. Det har vore ein del tjuveri av båtmotorar i sommar, så Vangberg seier at dei no ser på andre døme i distriktet.
– Vi vil først og fremst sjå på samanhengar i Vest politidistrikt, på om det har vore fleire tilfelle den siste tida.
Han oppmodar publikum som har tips til å ta kontakt.
– Gje oss ein lyd om du veit noko.
Du kan kontakte politiet på 02800 eller ringe Nordhordland lensmannskontor på 56 35 56 70