Klokka 13:31 sundag melde Reiarlaget Norled at ein må forventa innstillingar på ferjesambandet Fedje-Sævrøy frå cirka klokka 19:00 sundag kveld.
Årsaka er at det er varsla storm på kvelden.
Yr melder sørleg stiv kuling sundag formiddag og sterk kuling om ettermiddagen. På kvelden er det meldt liten storm med vindkast på 22 meter per sekund.
«Høge bølgjer. Tette skumstrimer driv i vindretninga. Sjøen byrjar å rulla. Sjørokket kan minska synsvidden», skriv Yr i varselet.
Dei oppfordrar folk til å la båten liggja, og ikkje dra ut i småbåt.