Tre bilar involverte i ulukke i Eikefettunnelen

Tre born og fire vaksne er sende til sjukehus etter ei alvorleg trafikkulukke i E39-tunnel.

Publisert:

Tre bilar med totalt sju personar var involverte i trafikkulukka i Eikefettunnelen. Foto: Lise Viken

Tunnelen blei stengd i fleire timar. Foto: Lise Viken

Foto: Lise Viken

  • Anne-Lise Nordpoll
  • Siv Berg Lutro
Denne artikkelen er over ett år gammel

Alle naudetatane rykte ut etter melding om at fleire bilar skal ha kollidert inne i Eikefettunnelen på E39.

Ulukka skjedde like før klokka 18 søndag kveld.

Først vart det sagt at det var fire bilar involverte i ulukka. Dette er no nedjustert til tre.

Totalt sju personar er involverte i ulukka, tre av dei er born.

Sju til sjukehus

– Alle sju blir køyrde til akuttmottaket på Haukeland universitetssjukehus, seier operasjonsleiar Stein Rune Halleraker i Vest politidistrikt til Strilen.

Ein av dei involverte sat fast i bilen, men framstår som lettare skadde.

Helse Bergen hadde følgjande informasjon om tilstanden til dei involverte:

  • Kvinne (66) - lettare skadd.
  • Mann (40) - lettare skadd.
  • Mann (66) - Lettare skadd.
  • Kvinne (34) - lettare skadd.
  • Gut (10) - lettare skadd.
  • Gut (9) - lettare skadd.
  • Jente (6) - alvorleg skadd.

Det var lange køar på E39 etter ulukka. Foto: Lise Viken

Ifølgje politiet har det vore ein front mot front mellom to av dei involverte bilane.

– Har de noko teori om kvifor ulukka skjedde?

– Nei, det vil eg ikkje seie noko om foreløpig. Vi har tatt avhør av vitne og gjort undersøkingar på staden.

Seks brannbilar køyrde til ulukkesstaden då alarmen gjekk.

– Når ein får melding om ei alvorleg trafikkulukke inne i ein tunnel så kjem ein alltid frå begge sider av tunnelen, forklarar Sigbjørn Villanger i 110-sentralen.

Klokka 20.42 blei tunnelen opna igjen.

Publisert:

Mest lest akkurat nå

  1. Nytta sjansen i Knarvik senter

  2. Pressa Teslaen opp i det dobbelte av fartsgrensa

  3. Slik såg det ut etter festen: – Trist!

  4. – Vi vil ha kutt i administrasjonen. Betydelige kutt!

  5. Mannen i 30-åra skal ha trua med å drepe gravid kvinne

  6. Nedslåande resultat i UP-kontrollar ved skular

  1. Trafikkulykker
  2. E39
  3. Politiet
  4. Vest politidistrikt
  5. Trafikk