Laurdag kveld i 22.20-tida melde Vest politidistrikt at to menn, som dreiv med sportsdykking, blei dårlege då dei kom opp i dykkarbåten.
Ifølgje politiet fekk dei pusteproblem og krampar.
Ein av dei to blei køyrd til lokal legevakt, medan den andre blei køyrd i ambulanse til Haukeland universitetssjukehus.
Begge var bevisste då dei blei henta av ambulanse, melder politiet på Twitter.
Dei to mennene dykka i Fonnebostsjøen i Lindås, fortel politiet.