Politiet har i dag frigitt namnet på Solibakke, som omkom momentant i ein frontkollisjon med eit vogntog. Ulukka skjedde på fylkesveg 57, ved Espeland like nord for avkjøringa til Åse.

Solibakke (53) var busett i Lindås kommune, og etterlet seg kone og tre vaksne born.

– Jarle Solibakke var ute på jobb for Statens vegvesen då ulukka skjedde. Han kjørte i sin private bil, ein Volkswagen Passat, seier lensmann Kjell Idar Vangberg til Bergens Tidende.

Det var eit vogntog med tømmer på lasteplan og hengar som frontkolliderte med personbilen. Ulukka vert etterforska vidare.