Føraren vart køyrd til akuttmottaket på Haukeland sjukehus og døydde seinare same dag av skadane.
Mc-føraren var ein mann midt i 30-åra frå Nordhordland. Pårørande er varsla, men namnet på den omkomne er så langt ikkje frigitt.
Lensmann Kjell-Idar Vangberg fortel at mannen mista kontrollen på sykkelen og hamna i autovernet då han svinga inn mellom to bilar og det kom ein imot.
Både politiet og ulykkesgruppa til Statens vegvesen gjorde undersøkingar på ulykkesstaden same dagen. Politiet skal også gjera tekniske undersøkingar av motorsykkelen og gjera nokre avhøyr i saka.