Naudetatane rykte i 15-tida ut til Krambuhaugen på Lindås, der det hadde starta å brenna i ein einebustad.
Ifølge 110 Hordaland var det snakk om brann i ventilasjonen på eit kjøkken.
Etter relativt kort tid blei det meldt at brannvesenet hadde kontroll.
– Ei frityrgryte hadde tatt fyr, den blei forsøkt sløkt utan hell, sa Ole Jacob Hartvigsen i 110 Hordaland til BA.
Brannmannskapar rykte ut frå fleire stasjonar, og etter litt fekk dei altså kontroll.
Det er ikkje sagt noko om kor mange som var i huset då brannen oppstod.
Brannvesenet sende også ein restverdiredningsbil frå Arna for å redda verdiar i bustaden.