Etter deilige veker med sol har det lenge låge i lufta at det vêrgudande «vil slå tilbake». Og dei siste dagars regn har gjort at ein straks kan fyra opp grillen igjen.
Grilling frå fredag
– Nedbør i dag har ført til at det no er opna for skyting på og utanfor skytebaner. Dette gjeld for kommunane Austrheim, Radøy, Meland, Modalen og Lindås. Totalforbodet mot å gjere opp eld utandørs gjeld framleis, uttalte brannsjef Karl J Romarheim ved Lindås, Meland og Modalen i ei pressemelding torsdag formiddag.
Ikkje lenge etter melde brannvesenet at forbodet mot å gjera opp eld også snart er over. Opphevinga for dei nemnde kommunane gjeld frå og med klokka 08 på morgonen fredag 15. juni.
Generelle reglar gjeld
I ei melding frå brannsjefane går det fram at det no er det generelle bålforbodet frå 15. april til 15. september som er gjeldande:
Dette er lov:
Du kan framleis grilla eller brenna hageavfall i din eigen hage (kun små mengder). Det er ikkje tillat å brenna søppel i nokon form, heller ikkje bygningsrestar, material eller trevirke som er behandla med maling, lakk, impregnering eller liknande.
Grilla på egna stader i for eksempel parkområde eller i strandkanten
Du kan brenna bål der det openbart ikkje kan medføra brann, men all bålbrenning er på eige ansvar.
Ta omsyn til naboar og miljø. Røyken frå eit bål med hageavfall er ikkje ufarlig.
Uavhengig av godkjenning er all bålbrenning er på eige ansvar.