Ein mann i 50-åra vart arrestert av politiet for truslar med kniv på Frekhaug i Meland kommune.
Politiet fekk meldinga klokka 02 natt til laurdag.
Ingen vart skadd som følgje av hendinga, og arrestasjonen skjedde utan dramatikk. Ifølgje politiet hadde mannen drukke alkohol.
– Då politiet kom til staden satt karen i ein sofa etter å ha brote seg inn i ein bustad, seier operasjonsleiar Per Algrøy i Vest politidistrikt.
– For bebuarane skal dette ha vore veldig skremmande.
I tillegg opplyser operasjonsleiaren at mannen skal ha trudd at det hadde vore sal av narkotika i området.
Mannen sit no i varetekt i vente av avhøyr, opplyser politiet som har oppretta sak på forholdet.