Dei aller fleste av oss tar fleire bilde enn vanleg om sommaren: Anten det er vakker solnedgang eller spennande ferieaktivitetar som skal forevigast.
Enkelt på Instagram
Med gode mobilkamera er det lettare enn nokon gong å knipsa når det gode motivet plutseleg dukkar opp.
Me håpar at du vil vera med å dela sommarminna med våre lesarar.
Nederst i denne saka ser du mange bilde som allereie er lasta opp på Instagram. Me fyller på med fleire etterkvart som dei kjem til.
Alt du treng å gjera, er å lasta dine bilde opp på Instagram og merka dei med emneknaggen #strilen
Send på e-post
Om du er blant dei som ikkje har Instagram, vil me likevel høyra frå deg. Du kan senda dine sommarbilde til desk@strilen.no Då må du huska å skriva «sommarbilde» i emnefeltet, slik at me lett kan sortera i e-postane som kjem inn.
I kvar avisutgåve no i sommar vil me presentera lesarblinkskot i papirutgåva - i tillegg til at me fyller på med sommarbilde i bildekarusellen under.
I slutten av august trekk med ut tre innsendarar som får gåvekort i posten.
Lukke til!
PS: Trykkjer du på dei to pilene nede i høgre hjørnet på bildekarusellen, får du sjå bilda i stort format. Held du musepeikaren over bilda, får du sjå bildetekst og kven som har lasta dei opp.