Politiet melde klokka 11.10 at tre bilar hadde vore involvert i ein kjedekollisjon på Frekhaug.
– 3 personar blir sende til legevakta etter ulukka, som skjedde like før Frekhaug senter. Me går ut frå at det dreier seg om lettare skader, seier operasjonsleiar Vibeke Næss i Vest politidistrikt.
Det danna seg raskt lange køar i begge retningar, og alle naudetatane kom raskt til staden.
– Bilberging er på gang, og me reknar med at trafikken snart vil flyta fint, seier Næss ved 11.30-tida.
Dei fem som var med i dei tre bilane kom seg raskt ut av kjøretøya på eiga hand.
