Følg trafikken direkte i kartet øvst i saka. Der kan du sjå trafikkbildet for Nordhordland og Gulen. Grønt betyr at trafikken flyt fint, raudt betyr kø.

–Trafikken flyt fint for augneblinken, seier Kjetil Larsen, trafikkoperatør ved Vegtrafikksentralen vest måndag føremiddag.

Både 1. og 2. påskedag er kjente trafikk-dagar kor mange skal ned frå fjellet etter påskeferien. Larsen seier til Strilen at han trur dei fleste reiste heim i går, men at det kan bli litt kø rundt 14-tida.

– Hald din plass i køen

Trafikkoperatøren oppfordrar bilistane til å halda seg roleg når dei er ute på vegane.

– Eg vil oppfordra folk til å køyra pent og halda seg på plassen sin i køen.