I dag onsdag har formannskapspolitikarane i Meland iført seg regnklede og tatt turen ut av rådhuset på Frekhaug.

På dagsorden står ei synfaring der ein drar rundt for å sjå nærare på dei ulike vegstrekka som skal nyta godt av bompengane i Nordhordlandspakken.

Den siste statusen på Meland-prosjekta før dagens synfaring, har Strilen allereie omtala.

Spørsmålet er likevel om alle gode ønske blir gjennomført i bompakka. Konsulentar fryktar nemleg kostnadssprekk på fleire prosjekt. Dermed kan vedtatte utbetringar risikera å bli utsett eller fjerna heilt.