No kjem sommarvêret tilbake - spesielt ein dag blir varm

Helga har vore prega av regn, og slik blir starten på veka òg.

– På måndag er det venta eit nytt nedbør, med mykje regn og yr. Tysdagen byrjar òg med det, men på ettermiddagen blir det opphaldsvêr, seier meteorolog Steinar Skare ved meteorologisk institutt.

Midt i veka skal nedbøret gi seg og finværet vil gjera eit comeback.

– Onsdagen ser veldig fin ut, med sol og 23 grader. Torsdag og fredag kan òg bli nokre fine dagar, seier Skare.

Han fortsetter;

– Det ser ut til at fredagen blir spesielt varm. Vi spår 25 grader, men det kan bli høgare temperatur enn det, det skal ein ikkje sjå bort frå.

Prognosane på nett er endå meir positive enn meterologen.

Langtidsvarselet til Storm.no viser at det kan bli heile 30 varmegrader på Masfjordnes fredag, og 29 grader i Knarvik og Frekhaug.

Det ser òg ut til at moglegheitene for bading på Utkant er store. Både Yr.no og Storm.no spår 25 grader i Skjerjehamn på fredag.