– I dag tidleg gjekk det raskt frå 1,4 til 6,8 grader då vinden dreide i vestleg retning ved Fedje. Akkurat no bles det stiv kuling der ute, seier Tjøstheim på telefon frå Meteorologisk Institutt i Bergen.
I løpet av dagen kjem vinden innover resten av Nordhordland og det vil blåsa kraftig utover kvelden. Natt til onsdag kjem det eit nedbørsfelt som kan gje sludd i låglandet. Men utover morgondagen vert det stort sett opphaldsvêr.
– På torsdag og fredag vert det kaldare når nordavinden set inn. Då kan det koma litt snø i ytre strøk, fortel Tjøstheim.
Helgevêret er framleis litt usikkert, men meteorologen seier at det ligg an til litt lettare vêr.