Klokka 17.30-tida fekk naudetatane beskjed om at det var brann i eit kjøretøy i nærleiken av Litle-Urdalstunnelen på E39 i Lindås.
Det var to personar i bilen, og dei opplyste å ha pusta inn litt røyk. Brannen vart forsøkt sløkt med brannsløkkingsapparat, men vart ikkje sløkt før brannvesenet kom til staden. Brannen skal ha starta i motorrommet.
Rundt 18.20 opplyser politiet at dei har starta opp med manuell dirigering på staden, etter at vegen ei stund var heilt stengt.