422 blei straumlause frå Eidetræ i retning Romarheim og Masfjorden tidleg i kveld, og deretter vart det meldt at 683 husstandar på Manger, og i området Bøvågen-Sletta og Austrheim var utan straum.
Seinare har straumsstansen også råka Frekhaug og nordover i Meland, og større deler av Lindås.
Sjå BKK sitt feilmeldingskart her.
Klokka 22.30 er status at over 18.000 husstandar i BKK sitt område i Hordaland og sør i Sogn og Fjordane er utan straum.
BKK sendte tidlegare i dag ut ein SMS til sine kundar, med varsel om at uvêret kan føre til straumstans. Politiet melder også at mange tre har ramla overende i vinden.
Operasjonssentralen skriv kl. 20.55:
«Per nå har vi fått inn over 35 meldinger om nedblåste trær og andre naturskader. En god del veier er sperret. Vi ber folk kjøre forsiktig og være aktsom når man beveger seg ute».
Vegtrafikksentralen har dei siste timane blitt nedringt av folk som fortel om tre som har velta over vegar.
– Vi har fått mellom 70-80 meldinger om trevelt de siste to timene. Det er stor belastning på samtlige sentraler. Brannvesenet, politiet og Vegtrafikksentralen er nedringt, seier trafikkoperatør Kjetil Larsen i Vegtrafikksentralen til Bt.no.
– Trær som har lagt seg over strømledninger og ledninger som ligger i bakken kan være strømførende. Hold god avstand og meld fra til oss på tlf. 55 12 70 00 slik at vi kan sikre områdene på en trygg måte, skriv BKK i ei melding på sine nettsider.