Sondre (21) fossa inn til siger

Sondre Lindaas Gjesdal frå Lindås vann 200-meteren under Ungdomsmesterskapet i friidrett.

Publisert:

I helga sprang Sondre Lindaas Gjesdal inn til sitt første gull i Ungdomsmeisterskapet i friidrett. Foto: Ståle Johansen

  • Erik Støverud

– Eg er veldig overraska over eigne resultat og nøgd med innsatsen. Det var utruleg kjekt å ta den første individuelle medaljen, og den første sigeren, i eit ungdomsmeisterskap, seier Sondre Lindaas Gjesdal.

Kjempehopp på nasjonal toppliste

Søndag løp han først over målstreken under 200-meteren i den eldste klassen (gutar 20–22 år) under Ungdomsmeisterskapet (UM) i Rudhallen i Bærum.

Etter dei første 150 metrane i finalen låg Lindås-karen nesten likt med to andre konkurrentar.

– På dei siste 10-12 metrane klarte eg å oppretthalde den høgaste farten, og løp forbi storfavoritten Sondre Faugstad Amundsen, seier Gjesdal.

Vinnartida blei 21,90 sekund. Det var ny personleg rekord for 21-åringen frå Nordhordland. Det gode resultatet sørga for at Gjesdal gjekk frå å vere nummer 19 på den nasjonale statistikken for seniorar til å vere nummer fem.

Under UM stilte Gjesdal for den lokale klubben FIL AKS-77, sjølv om han har skifta beite til bergensklubben Gular.

Sondre Lindaas Gjesdal fekk også med seg stafettgull på 4x200 meter saman med lagkameratane i Gular. Foto: Ståle Johansen

Les også

Unggutar med solide løp i vinterkarusellen

Les også

Lesarreportasje: Fil AKS-77 med deltagerrekord på Pingvinlekene

Trur på ein eventyrsesong

Laurdag stilte Sondre Lindaas Gjesdal på 60 meter. I forsøket senka han sin eigen pers frå 7,27 sekund til 7,14, og han gjekk direkte til finalen.

– I finalen rota eg teknisk og enda opp med tida 7,15 og 6.-plass, fortel Gjesdal.

Etter 200-meteren på søndag var Gjesdal med på Gular sitt stafettlag på 4x200 meter.

– Vi hadde eit håp om å ta noregsrekorden i U23-klassen. Det er klubben Dimma, som då stilte med mellom anna Karsten Warholm på laget, som har denne rekorden, seier Gjesdal og held fram;

– Det blei for tøft då alle på laget hadde løpt forsøk og finale på individuell 200-meter tidlegare på dagen. Vi missa den med sekundet, men «trøystepremien» blei gull og kretsrekord i U23-klassen.

Sondre Lindaas Gjesdal (i midten) frå Lindås gjorde eit godt meisterskap i helga. Foto: Erlend Sæterstøl

– Kva er planane for 2020-sesongen?

– Høgdepunkta i år blir NM på Fana stadion i juni og junior-NM på Askøy. Slik det ser ut no, så kjem 2020-sesongen til å bli eit eventyr utan like, seier Gjesdal som er inne i sin siste sesong som juniorutøvar.

Utøvarane frå FIL AKS-77 gjorde det også skarpt under UM. Philip Morken (16) tok gull på 800-meter med tida 2.02.97 og sølv på 1500-meter med tida 4.20.77 (ny pers).

Johannes Hopland (15) løp 800-meter og sette ny pers med tida 2.08.43. Det gav sjuandeplass.

Publisert:

Flere artikler

  1. SPORT

    Nestensiger for Harald Matland i iskald regatta

  2. SPORT

    NBK satsar stort på kvinnelaga

  3. NYHEITER

    – Vi drøymer om ein kulturarena i Knarvik. Eit bygg som kan vere til velsigning for alle alverbuarar.

  4. SPORT

    14-åringar enda i spennande løpsduell

  5. SPORT

    Noregs raskaste besøkte klasserommet til Masfjord-elevar

  6. SPORT

    Lokal løpsdronning tangerte ei anna løpsdronning

  1. Friidrett
  2. Nordhordland