Thomas Brakstad blir medieansvarleg i Brann

29-åring frå Meland skal ha ansvar frå kommunikasjonen på Stadion.

Publisert:

Thomas Brakstad har tidlegare hatt ei lovande karriere i Nordre Holsnøy. No tar han «steget opp» til Sportsklubben Brann. Foto: Privat

  • Erlend Nordland Kristiansen
Denne artikkelen er over ett år gammel

Frå og med 1. august går Thomas Brakstad frå Meland inn i rolla som medie- og kommunikasjonsansvarleg i SK Brann. For tida er han vaktsjef i NRK Sogn og Fjordane, som held til i Førde.

No skal han altså overta jobben Gorm Natlandsmyr har hatt dei siste tolv åra, melder BA.

Brakstad, som skal jobbe under klubbens kommersielle avdeling, skal ha ansvar for Branns redaksjonelle kommunikasjon og innhald.

Frå før av har Brakstad fleire år bak seg som frilansar i mediehus som Strilen, BA, BT, VG og NRK.

Dermed går 29-åringen inn i rekkene av strilar i bergensklubben. Rune Soltvedt frå Knarvik er sportssjef, medan Remi André Taule frå Alversund er speaker. I tillegg er også Lars Arne Nilsen (trenar) og Vibeke Johannesen (dagleg leiar) strilar, rett nok frå Sotra.

Brakstad ønsker ikkje å kommentere tilsettinga på noverande tidspunkt.

Publisert:

Les også

  1. Ingen VM-tur for Ingrid Ryland

  2. NBK-Radøy: «Største publikummet sidan NBK tok imot Brann»

  1. Brann
  2. Meland