Andrea (17) storspelte i toppkamp – no blir ho førstekeeper ut sesongen

Sidan begge dei andre målvaktene var ute med skade, måtte Andrea ta opp hanskane for Åsane, i toppoppgjeret mot TIL 2020.

Keepertalentet frå Eikanger, Andrea Kvammen, skulle på talentleiren «Morgendagens 1'ere» i Oslo neste veke. Det er ein talentleir for å utvikle målvakter, så dei blir gode nok for landskampar på høgt nivå.

– Det var veldig kjekt å bli invitert, men på grunn av at det no berre er ein skadefri keeper i troppen til Åsane, får eg ikkje reise, seier Andrea då Strilen møter ho på Knarvik stadion.